Plantun de Prouvènço

Pèr coumpara dos planto d'encò nostre

Oxalis acetosella & Crepis albida

Pan-de-cougiéu

Oxalis acetosella

Oxalidaceae

Àutri noum : Pan-de-couvènt, Pan-de-couguou, Pan-de-couènt, Crousadello, Pascalo.

Noms en français : Oseille des bois, Surelle.

Descripcioun :
Lou pan-de-cougiéu trachis en tapis dins li bos fres e umide de mountagno. Se recounèis à si fueio di tres fuioun en couor e à si pichòti flour clinado en campano blanco e veinado de roso. Flouris pèr Pasco (Pascalo).

Usanço :
Es uno planto manjadisso en ensalado o cuecho (soupo, oumeleto...). Douno un bon goust acide. Pamens faudrié pas trop n'en manja malodi l'acide óussali (graviho dins li ren). Lou pan-de-cougiéu se manjo en mountagno à la sourtido de l'ivèr pèr reviscoula lou cors. Èi couneigu peréu pèr sougna lis acamp de la bouco o dóu cors. Èi tambèn richo en vitamino C.

Port : Erbo
Taio : 3 à 12 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Oxalis
Famiho : Oxalidaceae

Ordre : Oxalidales

Coulour de la flour : Blanco
Petalo : 5
Ø (o loungour) flour : 12 à 20 mm
Flourido : Printèms

Sòu : Si
Autour basso e auto : 0 à 2200 m
Aparado : Noun
Abriéu à jun

Liò : Bos fres - Bos umide
Estànci : Mountagnard à Subaupen
Couroulougi : Bourealo
Ref. sc. : Oxalis acetosella L., 1753

Lachassoun(-blanquinous)

Crepis albida

Asteraceae Compositae

Noms en français : Crépide blanchâtre, Crépis blanchâtre.

Descripcioun :
Aquéu lachassoun, trachis majamen en basso mountagno dins li tepiero seco e lis esboudèu. Es uno planto pelouso emé de fueio basalo un pau dentado e de fueio de la cambo que l'embrasson. Se recounèis subretout à si bratèio bourdado de blanc, alor que li ligulo soun souvent d'un jauno clar. Lis akène dóu mitan an quàsi pas de bè .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Crepis
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 3 à 4 cm
Flourido : Printèms - Estiéu

Sòu : Ca
Autour basso e auto : 400 à 2200m
Aparado : Noun
Jun à juliet

Liò : Tepiero seco - Cresten venta - Esboudèu - Roucas
Estànci : Subremediterran à Mountagnard
Couroulougi : Estenoumediterrano-Ouèst
Ref. sc. : Crepis albida Vill., 1779

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Oxalis acetosella & Crepis albida

ges

Coumpara Pan-de-cougiéu emé uno autro planto

Coumpara Lachassoun(-blanquinous) emé uno autro planto